منة عرفة تكشف حقيقة تلقيها تهديدات للطلاق من محمود المهدي.. فيديو
كشفت الفنانة منة عرفة، حقيقة تلقيها رسالة تهديد لإجبارها على الطلاق من زوجها محمود المهدي، مؤكدة أنها مازالت على رسميا زوجة محمود المهدي، حيث لم ينفصلا على الأوراق الرسمية.
ونفت الفنانة منة عرفة، ما يشاع عن تلقيها مكالمة كانت السبب في انفصالها عن محمود المهدي، قائلة: “محدش في الحياة يجبرني إني أبعد عن جوزي ولا يخليني معاه، ولكن أثناء المشاكل كان بيجلي مكالمات بالنصيحة على الناحيتين بالانفصال أو البقاء ولكن القرار في الأول والآخر ليا أنا”.
وأوضحت الفنانة منة عرفة، خلال حوارها ببرنامج “ضرب نار”، مع الاعلامية داليا فؤاد، على قناة القاهرة والناس، أنها تعلمت من أزمتها أمور تساعدها في النجاح بعملها وأولها عدم الافصاح عن حياتها الشخصية، قائلة: “عشان انجح فى شغلي لازم فى شوية حاجات تحصل والحاجات دي لو محصلتش هتعثر شويه بس اللي مؤمنة به أن مفيش حد بيوقف رزق حد”.
واستكملت: “من ضمن الحاجات اللي عشان أنجح اني متكلمش عن حياتي الشخصية، وأن الناس متبقاش عرفه عني كل حاجة، وأكون بعيدة عن الناس فيكونوا مشتاقين ليا، واشتغل على نفسي أكثر من التمثيل، الناس بتميل للحاجات الغامضة في حياة الفنان وعشان اكون ناجحة مينفعش أقدم لهم غير الفن بس”.
منه عرفة: طلاقي من محمود المهدي لم يقع رسيما
أكدت الفنانة منه عرفة، أن طلاقها من محمود المهدي لم يقع حتى الآن، قائلة: “طلاق رسمي على الورق محصلش لكن في انفصال وقبل الطلاق ما بيحصل في حاجات بتتم وبقالنا شهر ونص منفصلين وكل شيء نصيب، وممكن يكون الواحد مقرر حاجة والموضوع يتقلب وتلاقي نفسك في حته تانية خالص”.
وعلقت على موقفها من العودة لمحمود المهدي، قائلة: “محدش بيأخذ أكثر من نصيبه وفى محاولات لكل حاجة مش هو بس اللي بيحاول العودة وفي محاولات من ناس كتير، وخراب البيوت مش سهل ومش حاجة سهل تخرب اللي بيتبني”.
وأشارت الفنانة منه عرفة، إلى أنها تتحدث باستمرار مع طليقها محمود المهندي، قائلة: “احنا بنتكلم علطول واحنا مش بنكره بعض ولا احنا أعداء والعلاقة بينا طيبة وفيها احترام، وحياتنا مع بعض حاجة تخصنا”.
