مشاهدة حلقة ماجد الكدواني وابنته مع صاحبة السعادة كاملة.. تليجرام يوتيوب

4 سبتمبر، 2023

مشاهدة حلقة ماجد الكدواني وابنته مع صاحبة السعادة كاملة مع الفنانة والإعلامية إسعاد يونس، تصدرت مؤشرات البحث بعد أن حل الكدواني وابنته ضيفان على البرنامج الأشهر في مصر.

برنامج “صاحبة السعادة” يعرض يومي الإثنين والثلاثاء من كل أسبوع ويعرض على قناة ‏”dmc” في الحادية عشرة مساءً، حيث يذاع الجزء الأول من حلقة ماجد الكدواني الاثنين ثم الثلاثاء الجزء الثاني.

جدول المحتويات

تفاصيل حلقة ماجد الكدواني مع صاحبة السعادة

تحدث “الكدواني” عن عدد من الموضوعات التي لم يتحدث عنها من قبل، كذلك علاقته بعدد من الفنانين، سواء أثناء العمل أو خارج العمل.

وشهدت حلقة ماجد الكدواني وابنته مع صاحبة السعادة مفاجأة بظهور ابنته ساندرا الكدواني وصديقه أحمد الجنايني.

في بداية اللقاء توجه الكدواني بالشكر للفنانة إسعاد يونس على مقدمتها وكلامها عنه وقال: “أنا بشكر ربنا إنه حطك في حياتي .. أصل ربنا معندوش صدف عنده ترتيبات عارف مين هيقابل مين وامتى و ليه وفين و عشان ايه .. فـ مفيش كلام هيوفيكي شكر على اللي انتي قولتيه ده ، وأنا لا أملك غير إني أقول الحمد لله والشكر يارب إنه حطك و حط ناس زيك في حياتي دي النعمة الحقيقة اللي في حياتي و البركة الحقيقية اللي في حياتي ، أنا بشكر ربنا عليكي”.

ماذا قال الكدواني عن كريم عبد العزيز وبيومي فؤاد؟

قال الكدواني خلال الحلقة: “كريم عبدالعزيز دائمًا يقولي إحنا مش أصحاب ولا أخوات، إحنا مصروفين لبعض”.

وعن بيومي فؤاد، قال: “كان زميلي في كلية الفنون الجميلة ولينا ذكريات مسخرة سوا وكنا قالبين الدنيا في الكلية.

أما عن زوجته، قال: غيرت مسار حياتي ومن غيرها كان زماني في حتة تانية.

وعن مشاركة النجوم في فرح ابنه يوسف ردا على سؤال صاحبة السعادة والتى قالت له.. احكيلي ماجد كان عامل إزاي يومها؟

قال ماجد: أحلى حاجة فرحت قلبي في اليوم ده كلمة اتقالت على لسان الكل (في محبة) فعلاً بالفعل يا مدام اسعاد مكناش عاملين حسابنا على حاجة .. وأنا كمان مبغصـبش على حد اللي عايز يجي أهلاً اللي مش هيقدر أنا عاذره معنديش مشكلة أنا بحس بالناس زي ما مبحبش حد يضغط عليا أنا مبحبش أضغط على حد لاني واثق من محبة الكل..

ويكمل: فـ اتفاجئت ايه جماعة كمية المقاطع هو ايه اللي حصل ! يا حبيب قلبي كريم عبد العزيز و رامي إمام يا حبيبي وأحمد الجنايني وريهام عبد الغفور و نيللي كريم و شيرين رضا وهاني رمزي يا حبيبي و المستشار أمير… يعني محبة وهو ده اللي قولته لحضرتك من شوية دي نعمة من ربنا إنه يبقى حوليك ناس بتحبك من قلبها و حابين اللي بيعملوه من قلبهم.

ويسرد ما دار بينه وبين كريم عبدالعزيز: حتى كريم يقولي (ده فرح ابني) كل ما أقوله متتعبش نفسك طب أنا آسف يقولي (ده فرح ابني يا ابني!) فالكلمة خارجة من قلبه .

وعن أحمد الجنايني قال: الجنايني تعب أكتر مني في تجهيز الفرح ده علشان بنصور أبو النسب ، اكتشفت إن هو و يوسف على تواصل قولتله (ده انت لو أبو العريس مش هتعمل كده ) فالمحبة نعمة كبيرة أوي أوي الحمد لله و الشكر لله.

آخر أعمال ماجد الكدواني

ماجد الكدواني انتهى في الفترة الماضية من تصوير فيلم أبونسب من بطولة محمد إمام، وتدور أحداثه في إطار اجتماعي كوميدي، ومن المقرر عرضه في ديسمبر المقبل.

ويضم فيلم أبو نسب عددًا من النجوم منهم ياسمين صبري، وفاء عامر، هالة فاخر، محمد لطفي، وعلاء مرسي، ومن تأليف أيمن وتار وإخراج رامي إمام.

كما انضم الكدواني مؤخرًا إلى قائمة أبطال فيلم “ولاد رزق 3” مع أحمد عز، عمرو يوسف، أحمد الفيشاوي، أحمد داود، كريم قاسم، محمد ممدوح، ونسرين أمين، والعمل من تأليف صلاح الجهيني وإخراج طارق العريان، والمقرر انطلاق تصويره خلال شهر أكتوبر المقبل، ولكن الجزءين الأول والثاني حققا نجاحًا جماهيريًا كبيرًا أثناء طرحه بالسينما.