عروس كفر الدوار: “أهلي وجوزي متبهدلين وميرضيش حد اللي بيحصل فيا”
أكدت أمنية طارق، عروس كفر الدوار، أنها لم تكن تخطط للكلام الذي قالته خلال توقيع عقد زواجها، قائلة: “كنت عايزة افرح جوزي بكلمتين وحبيت أفرحه بطريقتي وتفاجأت بهجوم الناس ومعملتش تصرف غلط ومش عارفه في ايه وأهلي وجوزي متبهدلين من التعليقات السلبية على السوشيال ميديا”.
وعبرت أمنية طارق، خلال مداخلة هاتفية ببرنامج “حديث القاهرة”، مع الاعلامية كريمة عوض، على قناة القاهرة والناس، عن استياءها من حالة الهجوم التي تتعرض له منذ انتشار الفيديو، قائلة: “ميرضيش حد اللي حصل فيا ومضيقتش حد في حاجة عشان اتهاجم بالشكل ده، والفيديو نشرته عندي للذكرى وبعد ما اتشير اتبهدلت”.
وتابعت عروس كفر الدوار: “بنشوف فيديوهات ناس بتحضن بعض ومفيش حد بيعلق هل الحضن حلال قدام الناس وأنا كلامي وحش قدام الناس، وحمايا كان واقف ورايا وفي ضهري، واحنا ناس عاديين ولا طالبين ترند والكلام مأثر علينا نفسيا”، مؤكدة أنها وزوجها يقدرون أهلهم كثيرا.
بداية الأزمة عبر السوشيال ميديا
تداول رواد مواقع التواصل الاجتماعي مقطع فيديو للعريس وعروسه بكفر الدوار الذي أثار ضجة واسعة منذ أمس، والذي ظهرت فيه عروس كفر الدوار “أمنية طارق” وهي توجه كلمة لعريسها قبل عقد القران، وتطالبه بضرورة احترام أهلها، لكن الفيديو أثار استياء المتابعين بشكل واسع.
شاهد الفيديو:
